Popular Bible Verses from Psalm 119

Share

Kas lom lam nu ke niuk Ac kalem nu ke inkanek luk.

Nga likiya ma sap lom insiuk, Tuh nga in tia orekma koluk lain kom.

Sie mwet fusr ac liyaung fuka tuh in nasnas moul lal? Pa inge: el fin akos ma sap lom.

Insewowo elos su fahsr ke ma sap lal, Su aksol ke insialos nufon.

Kom nien wikla luk ac lango luk; Nga filiya finsrak luk in wuleang lom.

Aketeya ma sap lom nu sik, ac nga fah akos; Nga fah liyaung ke insiuk nufon.

Oru tuh nga in lungse akos ma sap lom Yohk liki na tuh nga in kasrup.

Kaiyuk lom nu sik mwe akwoyeyu, Mweyen ke sripa sac nga lutlut ke ma sap lom.

Finne in pacl in keok luk, nga akwoyeyuk Mweyen wulela lom ase moul nu sik.

Oru tuh nga in fahsr fal nu ke ma sap lom, Tuh nga konauk insewowo kac.

O LEUM GOD, luti nu sik kalmen ma sap lom, Na nga fah akos in pacl e nukewa.

Insiuk munasla ke asor; Akkeyeyu, oana kom tuh wulela kac.

Arulana yohk lungse luk ke ma sap lom! Nga nunku kac ke len nufon.