Popular Bible Verses from Soakas 2

Share

LEUM GOD pa ase lalmwetmet; etauk ac kalem tuku sel me.

Tulik nutik, lutlut ke ma nga luti nu sum, ac tia mulkunla ma nga fahk kom in oru. Lohng kas in lalmwetmet, ac srike kom in kalem kac. Aok, ngisre in oasr etauk lom, ac kwafe tuh kom in liyaten. Suk aklohya, in oana ke kom ac suk silver ku kutu ma saok su oan wikla. Kom fin oru ouinge na kom fah etu lah mea kalmen sangeng sin LEUM GOD, ac konauk in etu ke God.

El sang kasru nu sin mwet suwohs, ac El karinganang mwet moul pwaye. El karinganulos su oru wo nu sin mwet ngia, ac taranulos su inse pwaye nu sel.

Mwet suwoswos — elos su pwaye in ma nukewa — ac fah muta in facl sesr uh. Tuh God El ac tulakunla mwet koluk uh liki acn uh, ac fusulosyak su orekma koluk.

Kom ac fah ku in kaingkunla kutena mutan koluk su ac srike in srife kom ke kas emwem lal, su tia pwaye nu sin mukul tumal, ac tia esam wuleang el oru ye mutun God.