Popular Bible Verses from Soakas 16

Share

Siyuk LEUM GOD Elan akinsewowoye pwapa lom, na kom ac fah ku in orala.

Kom ku in lumahla ma kom ac oru, a God pa ac oakiya inkanek lom.

Kas kulang uh emwem oana honey — wo emah, ac wo pac nu ke mano.

Kut ku in oru pwapa lasr, tusruktu kas safla kac uh ma lun God.

Mongfisrasr wo liki orek ku. Sifacna leum fom, wo liki in leumi siti puspis.

Inse fulat ac kol nu ke ongoiya lulap, ac mwet filang elos ac ikori.

Kom ac nunku mu ma nukewa kom oru uh suwohs, tuh LEUM GOD El liye nunak lun insiom.

Lohang nu ke ma lutiyuk kom kac, na kom ac fah eis moul wo ouiya. Lulalfongi in LEUM GOD ac kom ac fah engan.

Kom fin eis srik ke inkanek suwohs, wo liki ke kom eis yohk ke inkanek sesuwos.

Inkanek soko ma kom nunku mu pwaya uh, sahp ac kolkomla nu ke misa.

Lesrik uh srumunyukelik sin mwet koluk. Elos purakak lokoalok ac kunausla inmasrlon kawuk uh.