Popular Bible Verses from Ecclesiastes 7

Share

Nimet sa in mulat — sie ma lalfon pa in koko sripen mulat.

Ke pacl ma nukewa wo nu sum uh, engankin; ac ke pacl ma upa uh sikyak, esam lah God El supu kewana pacl in engan ac pacl upa; kom koflana etu lah mea ac sikyak tok.

Sie ma aksafyeyukla, wo liki sie ma tufahna mutawauk. Mongfisrasr uh wo liki inse fulat.

Wangin sie mwet fin faclu oru ma suwohs pacl nukewa ac tiana orala sie tafongla.

Lalmwetmet ac fah asot nu sum inse misla oana mani uh. Lalmwetmet uh karingin moul lom, na pa inge ma wo ke etauk uh.

Sie elah wo el wo liki ono keng yohk molo; ac len in misa lom wo liki len in isusla lom.

Kas in kai sin sie mwet lalmwetmet, wo liki kas in kaksak lun mwet lalfon.

Wo in som nu ke sie lohm ma oasr tung ac mwemelil we liki in som nu ke sie lohm ma mwet uh orek kufwa we, mweyen fal mwet moul uh in esam lah misa uh soanekut nukewa.

Mwet se su nunku ke mwe engan pacl nukewa el sie mwet lalfon. Sie mwet lalmwetmet el nunku ke misa.