Popular Bible Verses from Sie Chronicle 16

Share

Ngetak nu sin LEUM GOD tuh Elan kasrekowos, Alu nu sel pacl e nukewa.

Sang kulo nu sin LEUM GOD, mweyen El wo; Lungse lal oan ma pahtpat.

Sang kulo nu sin LEUM GOD, ac fahkak fulat lal; Fahkak orekma lal nu sin mutanfahl uh.

Kut in engan lah kut ma lal; Lela mwet nukewa su alu nu sel in arulana engan!

Esam orekma sakirik El orala, Mwenmen lal ac nununku lal su El fahkla.

On ac kaksakin LEUM GOD; Fahkak orekma wolana ma El orala.

LEUM GOD El fulat, ac fal in arulana kaksakinyuk El; Lela in akfulatyeyuk El yohk liki god nukewa.

Kaksakin Ine wolana lun LEUM GOD; Fahsru nu in Tempul lal ac use mwe sang lowos nu sel. Epasr ye mutun El su Mutal ke El sikyak

Wolana ac sunak apnulla, Ku ac insewowo nwakla Tempul lal.

On nu sin LEUM GOD, kowos mwet faclu nufon! Fahkak pweng wo ke len nukewa lah El molikutla.

Fahkak wolana lal nu sin mutanfahl uh, Fahkak orekma ku lal nu sin mwet nukewa.

“Nik kowos aklokoalokye mwet kulansap sulosolla luk; Nik kowos kalyei mwet palu luk.”

Tuh god lun mutunfacl saya kewa elos ma sruloala na, A LEUM GOD El orala kusrao.

Nikmet mulkunla wuleang lun God, Su El orala tuh in oan ma pahtpat

Kusrao ac faclu, kowos in enganak! Fahkak nu sin mutanfahl uh lah LEUM GOD El tokosra.

Kaksakin LEUM GOD, God lun Israel! Kaksakunul inge ac nu tok ma pahtpat! Na mwet nukewa elos fahk, “Amen,” ac elos kaksakin LEUM GOD.

Mwet nukewa fin faclu, kowos in kaksakin LEUM GOD, Kaksakin wolana lal ac ku lal.