Popular Bible Verses from Titus 3

Share

Nge lupwen än Kot, ach Chon Amanau kirikiröch me tong a pwäla, i a amanauakich, esap pokiten föriach föförün pwüng, nge pokiten an tong. A amanauakich ren ewe Ngünmifel, ewe mi aupusefälikich o ngenikich eu manau mi fö ren an limetikich. Kot a fokun tinatiu woch ewe Ngünmifel ren Jesus Kraist ach Chon Amanau, pwe ren an ümöümöch sipwe küna pwüng me ren Kot o eäni ewe manau esemüch sia apilükülük ngeni.

Kopwe achema ngeni noumw kewe souläng, pwe repwe fokun aleasochis ngeni ekewe samol me sounemenem, repwe pwal molotä ngeni ar repwe föri sokun föför mi mürina. Kopwe üreniir, pwe resap kapas ingau usun eman aramas, repwe afisätä kinamwe me chiechiöch o pwärala ar tipepwetete ngeni aramas meinisin.

Nge kopwe afäluk seni ekewe kapasen anini esor mirit lon, seni tettelin uruwon ekewe lewo, seni ekiekin tipefesen me kapasen anini usun ekewe allük, pun ra lomotongau o aücheangau.

Kopwe chök apwüngü fän eu ika fän ruu eman aramas mi afisätä tipefesen, nge mürin kosap chüen iamüri.