Popular Bible Verses from Pwärätä 7

Share

Mürin ei, üa küna eu mwich mi fokun chocho, esap wor eman aramas a tongeni aleaniir. Ra feito seni sokopaten mwich, ainang, mwü me kapas meinisin. Iwe, ra ütä me mwen ewe lenien motun king me ewe Lam, ra üföüf üf mi pwechepwech o ra amwöchü paan nü lepöür.

Iwe, ra kökkö ren mwelier mi leüömong, “Sia küna manau me ren ach we Kot, ewe mi mot won ewe lenien motun king, pwal me ren ewe Lam.”

Pun ewe Lam mi nom lukalapan mwen ewe lenien motun king epwe nöür chon mas o emweniir ngeni ekewe puächen kolukun manau. Iwe, Kot epwe talüpwasei chönün mas seni won meser meinisin.”

Iei popun ra ütä mwen än Kot we lenien motun king o ra angang ngeni lerän me lepwin lon imwan imwenfel. Iwe, ewe mi mot won ewe lenien motun king epwe nonom rer o tütümwünüür. Resap chüen echik ika kaka, akkar esap chüen pwichitiir, nge och pwichikar esap toriir.

A apasa, “Ousap afeiengaua fanüfan, ewe matau ika ekewe irä, tori aipwe pwauni won chamwen ekewe chon angang ngeni ach we Kot.” Iwe, üa rongorong pwe iteiten chokewe mi pwau won chamwer ükükün ipükü faik me rüanüngeröü, ir seni ekewe ainangen Israel meinisin.