Popular Bible Verses from Pwärätä 3

Share

Nengeni, üa ü lükün asam o fichifich. Are eman epwe rongorong mweliei o suki ewe asam, üpwe tolong ren o mongö ren, nge i epwe mongö rei.

Üa silei om kewe föför, üa silei pwe kosap pat, kosap pwal pwiich. Amwo kopwe pat ika pwiich. Nge pokiten ka nom lefilen pat me pwiich, iei mine üpwe kusufukowu seni lon awei.

Üa apwüngü o amiriti chokewe meinisin üa tongeer. Iei mine kopwe achocho o aier seni om tipis.

Üa silei om kewe föför. Nengeni, üa anomu mwomw eu asam mi suk, esap wor eman a tongeni öpüngala. Pun üa silei pwe a kisikis om tufich, nge ka aleasochisi ai kewe kapas, o kosap amamäsini itei.

Iö mi pwora ngeni mine a ngau üpwe mwüt ngeni pwe epwe etiei le mot won ewe lenien motun king, usun pwal ngang üa pwora o mot ren Semei won an lenien motun king.

Pun ka apasa, ‘Ngang üa pisekisek o wöü, esap wor ai osupwang.’ Nge en kosap silei pwe ka mwelele o attong, ka wöüngau me chun o selela.

Pokiten ka tümwünü ai kewe kapas, pwe kopwe likitü fän mosonotam, üpwe pwal tümwünuk seni ewe fansoun riaföü epwe feito won unusen fanüfan, pwe epwe sotuni aramas meinisin mi nom won fanüfan.

Üpwe warekai. Kopwe kamwöchünük won mine ka eäni, pwe esap wor eman epwe angei senuk mwärum.

Kopwe nela! Kopwe apöchöküla mine a chüen wor reöm me mwen an epwe wesewesen mäla. Pun üa küna pwe om kewe föför resap unusöch mwen mesen ai we Kot.