Popular Bible Verses from Pwärätä 19

Share

Ousipwe mweireir o fokun pwapwa, ousipwe mwareiti an tekia! Pun a war fansoun apwüpwülüen ewe Lam, nge pwülüan we, ewe fin apwüpwülü söfö, a püsin amol ngeni ewe rän.

Won üfan pwal won wilan a mak ewe it, “Ewe King mi tekia seni ekewe king meinisin, me ewe Samol mi lap seni ekewe samol meinisin.”

Mürin üa küna pwe läng a suk, iwe, a wor eman oris mi pwechepwech. Ewe chon wawa a iteni Allükülük me Let, a eäni kapüng fän wenechar o maun fän pwüng.

Mesan kana ra usun chök ngetengeten ekkei, nge a mwärämwär chomong mwärämwär won möküran. A wor eu it a mak won inisin, esap wor eman a silei pwe i chök. Üfan we a üföüf a kula ren cha. Itan “Ewe Kapasen Kot!”

Seni lon awan a itiwu efoch ketilas mi ken, pwe epwe nöünöü le akufu chon ekewe mwü. Epwe nemeniir ren efoch wokomächä, epwe puri ekewe uän wain lon ewe lenien üchüch, wewen ei, än Kot, ewe mi Unusen Manaman, lingeringer mi fokun afeiengau.

Iwe, ewe manmwacho a kuf o oola fitifengen me ewe soufos chofona, ewe mi afisätä manaman me mwen mesan. Ren ekei manaman a atupu chokewe mi eäni asisilen ewe manmwacho me chokewe mi fel ngeni uluulun we. Ewe manmwacho me ewe soufos chofona ra koturmanauolong lon ewe nomun ekkei a küü ren primston.