Popular Bible Verses from Kölfel 37

Share

Ewe Samol mi Lapalap i chök epwe om pwapwa, nge i epwe ngonuk mochenin lelukom.

Kopwe lükü ngeni ewe Samol mi Lapalap manauom o apilükülük ngeni, nge i epwe alisuk.

Kopwe fanafanala me fän mesen ewe Samol mi Lapalap o likitü le witiwiti i. Kosap achouuk ren ekewe aramas mi pisekisekila, pwal ren chokewe mi afisätä ar rawangau.

Kopwe apilükülükü ewe Samol mi Lapalap o föri mine a mürina, pwe kopwe nonom lon ewe fanü fän kinamwe.

Ewe Samol mi Lapalap a emweni eman aramas won ewe al epwe fetal won, a pwal anüküchara i, pun a pwapwa ren. Are epwe tur, esap turuchapala, pun ewe Samol mi Lapalap a kamwöch pöün.

Epwe pwärawu om pwüngüöch pwe epwe usun saram, nge om pwüng pwe epwe usun tinen akkaren leoloas.

Kopwe ükütiu seni song o likitala lingeringer. Kosap achouuk, pun a chök emwenukelong lon mine a ngau.

Seni me lom, lupwen ngang üa eman alüal, tori iei üa chinlap, üsap küna mwo eman chon pwüng epwe sachawun, ika nöün kana repwe tütüngorfetal ener mongö.

Kosap achouuk pokiten ekewe aramasangau, nge kosap lolowo ngeni chokewe mi föri mine a ngau.