Popular Bible Verses from Kölfel 34

Share

Ewe Samol mi Lapalap a kan ngeni chokewe mi luketatakis, a amanaua chokewe mi apilükingau.

Üa iotek ngeni ewe Samol mi Lapalap, nge i a pälüeniei o angasaei seni ai kewe niuokus meinisin.

Chomong riaföü ra tori ewe chon pwüng, nge ewe Samol mi Lapalap a angasala i seniir meinisin.

Oupwe neni o nengeni pwe ewe Samol mi Lapalap a kirikiröch. Ra feiöch ätekewe mi eäni i lenien op.

Oupwe sachetä ngeni i pwe oupwe pwapwa, nge ousap säw.

Lupwen ekewe chon pwüng ra siön alilis, ewe Samol mi Lapalap a rongorong o angaserela seni ar weires meinisin.

Nöün ewe Samol mi Lapalap chon läng a nom pwelin ünükün chokewe mi niueiti i o angaseer seni feiengau.

Oupwe kul seni mine a ngau o föri mine a mürina, oupwe kütta kinamwe ren unusen lelukemi.

Oupwe tümwünükemi pwe ousap eäni kapas mi ngau, ousap pwal kapas chofana.

Ewe Samol mi Lapalap a mamasa ekewe chon pwüng, selingan a rongorong ngeni ar siö.

Oupwe etiei le asilefeili än ewe Samol mi Lapalap manaman, ousipwe mwareitifengeni itan.