Popular Bible Verses from Kölfel 2

Share

Kopwe tüngorei, nge ngang üpwe ngonuk ekewe mwü pwe kopwe mwüni, üpwe pwal ngonuk unusen fanüfan pwe kopwe fanüeni.

Oupwe mitiri ewe nau pwe esap song, nge ämi ousap mäfeiengau. Pun a müttir fis an song. Ra feiöch ir meinisin mi eäni i lenien op.

Ekewe king won fanüfan ra ütä, ekewe sounemenem ra pwüngüpwüngfengen usun ar repwe ü ngeni ewe Samol mi Lapalap, pwal ngeni nöün we mi kepit. Iwe, ra apasa, “Ousipwe mwütala fööfööch me rer o pöütala senikich ar kei riri.”

Iei mine ämi kana king, oupwe tipachemela, ämi sounemenem won fanüfan, oupwe miritila. Oupwe angang ngeni ewe Samol mi Lapalap fän niuokus, oupwe pwapwa fän chechech.