Popular Bible Verses from Kölfel 139

Share

Üa mwareituk, pokiten a amairü o amwarar om föri ei. Om kewe föför ra amwarar. Üa fokun sileöchü ei.

Ai Kot, kopwe atittinaei o silei letipei. Kopwe sotuniei o silei ai ekiek. Kopwe pi ika mi wor och mi ingau lon manauei, nge kopwe emweniei won ewe al esemüch.

En ewe mi förätä masouen loi, en ka achufengeniei me lon letipen inei.

En ka fen künaei, lupwen esamwo wor uluuli. Iteiten ränin manauei meinisin, ka awora fän itei, ra fen mak lon noum puk mwen ar resamwo fis.

Ai Samol mi Lapalap, en ka atittinaei, ka pwal sileei.

Ia üpwe feila ie seni Ngünum? Nge ia üpwe süla ie seni fän mesom?

Ka silei fansoun ai mottiu me ai ütä, ka silei ai ekiek kana me toau.

Nengeni, mwen ai üsamwo kapas, en, ai Samol mi Lapalap, ka fen unusen silei mine üpwe apasa.

Ka nenengeniei, lupwen üa angang, pwal lupwen üa asösö, ka silei ai kewe föför meinisin.