Popular Bible Verses from Kölfel 119

Share

Om kapas eu lamp a aiti ngeniei ia üpwe ipwela ie, a pwal asarama alei.

Üa iseis om kapas lon lelukei pwe üsap tipis ngonuk.

Epwe ifa usun än eman alüal tümwünü manauan pwe epwe limöch? Ei a chök tongeni fis ren an aleasochisi om kapas.

Ra feiöch chokewe mi tümwünü an kewe allük. chokewe mi kütta i ren unusen leluker

En ai lenien op me ai chon tümwün. Üa anomu ai apilükülük won om kewe kapas.

Kopwe fang ngeniei silelap, pwe ngang üpwe aleasochisi om kewe allük o apwönüretä ren unusen lelukei.

Kopwe akulu lelukei ngeni om kewe allük, nge sap ngeni mochenian win.

A mürina ngeniei pwe üa riaföü, pun ren ei üa tongeni kaiö om kewe allük.

Iei ai chip lon ai riaföü, pwe om pwon a ngeniei manau.

Kopwe emweniei pwe üpwe tongeni aleasochisi om kewe allük, pun ngang üa pwapwaäsiniir.

Ai Samol mi Lapalap, kopwe aiti ngeniei wewen om kewe allük, nge ngang üpwe aleasochisiir fansoun meinisin.

Üa fokun kechü ren ai letipeta. Kopwe apöchökülaei usun ka pwon lon om kapas.

Üa fokun aücheani om allük, üa ekinlonei fansoun meinisin.