Popular Bible Verses from Kölfel 103

Share

Ngüni, kopwe mwareiti ewe Samol mi Lapalap, kosap manlükala an kirikiröch ngonuk.

A amusala ai tipis meinisin o amoela ai apwangapwang meinisin, a angasaei seni peias o ämwärämwära ngeniei tong ellet me ümöümöch, a amasoua manauei ren mettoch mi mürina, pwe üpwe liwiniti pöchökülen le säräföi usun eman ikel.

Ngüni, kopwe mwareiti ewe Samol mi Lapalap, leuti meinisin, kopwe mwareiti itan mi pin.

Usun eman sam a tongei nöün kana, iei usun ewe Samol mi Lapalap a tongei chokewe mi niuokusiti i.

Pun usun meserän a toau seni epilen, iei usun a atoauala ach pupungau senikich.

Ewe Samol mi Lapalap a lukpwetete o kirikiröch, a songomang o wöün tong ellet.

Esap föri ngenikich ükükün ach tipis, esap pwal liwini ngenikich ükükün ach föföringau. Pun usun ekewe läng ra tekia seni fanüfan, iei usun an we tong ellet a tekia ngeni chokewe mi niuokusiti i.

Iwe, ewe Samol mi Lapalap a anüküchara an lenien motun king me lon ekewe läng, mwün a nemeni unusen fanüfan.