Popular Bible Verses from Än Salomon Fos 22

Share

Kopwe akaiti ngeni eman semirit usun mine epwe föri lon manauan, pun lupwen epwe chinlap, esap likitala mine a kaiö.

Wöü me iteüöch me manauatam, iei ewe liwin fän iten eman mi tipetekison o niuokusiti ewe Samol mi Lapalap.

Kopwe filätä iteüöch lap seni wöümong, pun än aramas aücheanikich a mürina seni silifer ika kolt.

Kosap chiechi ngeni eman aramas mi songokai, kosap pwal eti eman mi lingeringerikai

Eman mi eäni kirikiröch epwe feiöch, pun a ineti anan mongö ngeni ekewe chon wöüngau.

Eman aramas mi mirit a küna ewe feiengau mi feito o opola, nge ekewe chon wewemang ra chök feilong lon o feiengau.

Ekewe chon pisekisek ra nemeni ekewe chon wöüngau, nge ewe chon paaro i nöün ewe chon mwütätä amanau.

Ekewe chon pisekisek me ekewe chon wöüngau ra wewefengen lon ei lapalap, pwe ewe Samol mi Lapalap a föriir meinisin.

Kosap angei pisek seni eman chon wöüngau, pokiten i a wöüngau, kosap pwal ariaföüü ewe chon mwelele lon kapwüng, pun ewe Samol mi Lapalap epwe peniir o ariaföüü chokewe mi ariaföüür.