Popular Bible Verses from Än Salomon Fos 19

Share

Eman aramas a ekiekietä chomong mettoch lon lelukan, nge mine ewe Samol mi Lapalap a apwüngala epwe fisitä.

Eman aramas mi kichiöch ngeni chon wöüngau a fangala ngeni ewe Samol mi Lapalap, nge i epwe liwini ngeni liwinin an föför.

Mirit a alisi eman aramas pwe epwe mang ngeni song, nge eman a iteüöch are esap ekieki mine eman a föri ngeni.

Kopwe aüseling ngeni kapasen öüröür o etiwa kapasen fön, pwe kopwe tipachem lon kan fansoun repwe feito.

Ach niuokusiti ewe Samol mi Lapalap a emwenikich ngeni manau. Eman mi eäni ei niuokus epwe asösö fän kinamwe, nge esap wor feiengau epwe tori.

Eman mi angei tipachem a echeni püsin i, nge eman mi eäni mirit epwe fefeitä.

Kopwe apwüngü noum ät, lupwen a chüen kükün, pwe a mecheres an epwe kaiö mirit, nge kopwe tümwünüfichi pwe kosap wichi tori an epwe mäla.

Eman chon pwärätä mi apasatä mine a mwäl lon kapwüng epwe fokun angei liwinin an föför, nge eman mi kapas chofana epwe feiengau.