Popular Bible Verses from Än Salomon Fos 15

Share

Eu kapasen pälüen mi pwetete a awesi lingeringer, nge eu kapas pöchökül a afisätä song.

Ach niuokusiti ewe Samol mi Lapalap iei alen ach kaiö tipachem, nge ach sipwe atipetekisonakich, a iei akomwen ach angei iteüöch.

Kapas pwetete ra atoto manau, nge kapas pöchökül ra atai letipen aramas.

Are esap wor kapasen öüröür, esap fis mine aramas ra ekiekietä. Nge are a wor chomong chon öüröür, a fisiöch mine ra ekiekietä.

Eman mi pwapwa lon lelukan a pwal wopwapwa won mesan, nge eman mi letipeta a wololilen.

Ewe Samol mi Lapalap a küna mine a fis ekis meinisin, a ouwasacha ekewe chon föföringau me chon pwüng.

A mürina än eman epwe wöükükün, nge a niuokusiti ewe Samol mi Lapalap, lap seni än eman epwe wöümong, nge a nom lon weires.

Eman aramas mi songokai a afisätä anini, nge eman mi mosonotam a afisätä kinamwe.

Ekewe chon pwüng ra akomwen ekieköchü mine repwe pälüeni ngeni kapas, nge ekewe aramasangau ra müttir atowu kapas mi afisätä osukosuk.