Popular Bible Verses from Numperis 22

Share

Mürin, ewe Samol mi Lapalap a afosa ewe aas pwe a aisini Palam, “Met üa föri ngonuk pwe ka wichiei fän ülüngat.”

Mürin, ewe Samol mi Lapalap a aneneloi mesen Palam pwe a küna nöün ewe Samol mi Lapalap we chon läng mi ütä lukalapen ewe al o amwöchü efoch ketilas. Iwe, Palam a rotiu o chapetiu lepwül.

Nge nöün ewe Samol mi Lapalap we chon läng a üreni, “Pwota ka wichi noum we aas fän ülüngat? Üa feito pwe üpwe pinei om al pun om ei sai esap pwüng me rei.

Iwe, ewe aas a pwal aisini Palam, “Ifa usun, sap ngang noum aas ka wakkawa lon unusen manauom tori ikenai? Ifa usun, üa fen föri ngonuk ei sokun me mwan?” Nge Palam a pälüeni, “Ap.”

Iwe, Palam a pälüeni, “Pokiten ka urumwoteei. Amwo itä a fen wor efoch ketilas lepei pwe üpwe niikela.”

Iwe, lupwen ewe aas a küna nöün ewe Samol mi Lapalap we chon läng, a aüpwäsukutiu fän Palam. Nge Palam a fokun song o wichi ewe aas ngeni wokun.