Popular Bible Verses from Numperis 14

Share

Nge ousap fokun ü ngeni ewe Samol mi Lapalap, ousap pwal niuokusiti aramasen ewe fanü, pun ir chök okufuach. Iwe, ar apilükülük a sü seniir, nge ewe Samol mi Lapalap a etikich. Ousap fokun niuokusitiir.”

‘Ewe Samol mi Lapalap a songomang o wöün tong, a amusala föföringau me pupungau, nge esap amusafatei chon tipis, pwe a liwini än samasam tipis won nöür tori aülüngatin me arüanün tettelin aramas.’

Are ewe Samol mi Lapalap epwe kirikiröch ngenikich, epwe emwenikichelong o ngenikich ewe fanü mi pwülüöch o fanüeräs.

Nge nei chon angang Kalep üpwe emwenalong lon ewe fanü a fen piin feila lon, pwe mwirimwirin repwe fanüeni, pun a sokola ekiekin lelukan, a pwal fokun aleasochisiei.

Oupwe üreniir pwe iei aloi ngang ewe Samol mi Lapalap, ‘Mwo manauei, mine oua apasa, iei üpwe föri ngenikemi.

Iwe, ewe Samol mi Lapalap a üreni Moses, “Ifa ükükün fansoun än ekei aramas turunufaseei? Ifa ükükün fansoun ar resap mochen lüküei, inamwo ika ra fen küna ekewe manaman üa föri lefiler?

Iwe, ra lal ngeni Moses me Aaron o üreniir, “Amwo aipwe fen mäla chök lon ewe fanü Isip, ika aipwe fen mäla lon ei fanüapö.

Nge Josua nöün Nun mwän me Kalep nöün Jefune mwän, chienen chokewe mi operi ewe fanü Kanaan, ra kamwei üfer fän ar letipeta. Iwe, ra üreni ekewe aramasen Israel meinisin, “Ewe fanü aia saifetal lon o operi fokun eu fanü mi unusen mürina.

Nge ellet mwo manauei me ai we ling mi aura unusen fanüfan, esap wor eman lein ekewe mwän repwe tolong lon ewe fanü. Ra küna ai ling me ai kewe manaman üa föriir lon Isip pwal lon ewe fanüapö, nge ra chök sotuniei fän chomong, resap pwal aleasochisi aloi. Esap wor eman leir epwe tolong lon ewe fanü üa pwon fän akapel ngeni ar kewe lewo. Esap fokun wor eman me lein chokewe mi turunufaseei repwe tolong lon ewe fanü.