Popular Bible Verses from Hiop 2

Share

Mürin, pwülüan a üreni, “Ifa usun, ka chüen likitü won mine a pwüng? Kopwe amamäsini Kot o mäla.” Nge Hiop a üreni pwülüan we, “En ka aloni alon fineumwes. Ifa usun, sipwe chök akangei ach feiöch me ren Kot, nge sisap pwal angei ach feiengau?” Lon ekei feiengau meinisin Hiop esap tipis ren an apasa och mi mwäl.

Iwe, ewe Samol mi Lapalap a üreni Satan, “Ifa usun, ka küna nei chon angang Hiop? Esap wor eman aramas won fanüfan mi wewe ngeni, a pwüng o wenechar, a niuokusitiei o kul seni föför mi ngau. En ka peseei pwe üpwe afeiengaua, nge esap wor popun, nge Hiop a chüen likitü won mine a pwüng.”

Iwe, ewe Samol mi Lapalap a üreni Satan, “Ina, Hiop epwe nom fän nemenemom, chilon chök manauan.”

Iwe, lupwen chiechien Hiop kewe ülüman ra rongorong usun ekewe feiengau meinisin mi tori Hiop, ra feito seni en me lon lenian. Ikkei iter: Elifas ewe re Teman, Piltat ewe re Shu me Sofar ewe re Nama. Ra tipeeufengen le feila ren Hiop pwe repwe aururu o achipa. Nge lupwen ra küna Hiop me toau, resap chüen silleni. Iwe, ra alapatä mwelier o kechü. Ra kamwei üfer fän ar letipeta o amoromorätiu pwül won mökürer. Mürin, ra mot lepwül ren Hiop lon ükükün fisu rän me fisu pwin, nge esap wor eman a apasa och kapas ngeni, pun ra küna pwe an cheuch a fokun watte.