Popular Bible Verses from Jeremaia 8

Share

Ifa usun, esap wor och säfei lon Kiliat? Ifa usun, esap wor eman sousäfei ikenan? Pwota nei aramas resap chikarsefäl?

Ewe Samol mi Lapalap a akünöüei pwe üpwe üreni nöün aramas, “Ifa usun, lupwen aramas ra turula, resap pwal ütäsefäl? Ifa usun, are eman a tok seni ewe al, esap pwal liwinsefäl?

Ewe öröpwech mi äs fän läng a silei an fansoun liwinsefäl, pwal ewe lisom, ewe ekiek me ewe kawakaw ra silei fansoun ar repwe ässifeil. Nge ämi nei aramas ousap silei ai kewe allük.

Ngang üa afäli ämi kewe kapas o aüselingeer, nge ousap eäni kapas wenechar. Esap wor eman aramas a ekieksefäl seni an föföringau o apasa, ‘Pwota üa föri ei sokun föför mi mwäl?’ Iteiten eman me eman a chök fetal won püsin alan, usun eman oris mi purefochofocholong lon maun.

Ekewe aramas mi tipachem repwe säw, repwe rükö o oo. Are ra pöütala ai kewe kapas, met sokun tipachem ra eäni?