Popular Bible Verses from Jeremaia 29

Share

Pun ngang üa silei mine üa ekieki ngenikemi. Üa ekieki feiöchümi, nge sap feiengauemi, pwe üpwe ngenikemi eu fansounöch me apilükülük.

Ämi oupwe küttaei o künaei, pun oua küttaei ren unusen lelukemi.

Mürin oupwe köriei, oupwe feito o iotek ngeniei, nge ngang üpwe aüselingakemi.

Ewer, üa apasa pwe oupwe künaei, nge ngang üpwe aliwinisefälikemi ngeni fanüemi. Üpwe achufengenikemi seni ekewe mwü me ekewe leni meinisin ia üa atoropasakemiila ie o aliwinisefälikemi seni ewe leni ia üa tinikemiila ie pwe oupwe oola. Ngang ewe Samol mi Lapalap üa kapas.’

Pun iei alon ewe Samol mi Lapalap, ‘Are a wes ekewe fik ier fän iten Papilon, ngang üpwe ämwakemi. Üpwe apwönüetä ai pwon ngenikemi o aliwinikemi ngeni ei leni.