Popular Bible Verses from Soukapwüng 6

Share

Iwe, nöün ewe Samol mi Lapalap we chon läng a pwä ngeni Kition o üreni, “Ewe Samol mi Lapalap a etuk, en sounfiu mi pwora.”

Iwe, ewe Samol mi Lapalap a kul ngeni o üreni, “Kopwe feila lon om na pöchökül o angasala chon Israel seni lepöün chon Mitian. Ngang üa tinukela.”

Iwe, ewe Samol mi Lapalap a üreni, “Ngang üpwe etuk, nge en kopwe akufu chon Mitian usun chök om kopwe akufu eman chök aramas.”

Nge Kition a üreni, “Ai Samol, ika ewe Samol mi Lapalap a wesewesen etikem, pwota a fis ngenikem ekewe mettoch? Nge ikafa ekewe föför mi amwarar aia rong seni semelapem kewe, lupwen ra apworausa ngenikem usun än ewe Samol mi Lapalap emwenirewu seni Isip? Nge iei ewe Samol mi Lapalap a pöütikeemila o asechikeemilong lepöün chon Mitian.”

Nge Kition a üreni, “Ai Samol, epwe ifa usun ai üpwe tongeni amanaua chon Israel? Nengeni, ai eterekes a chokükün seni meinisin lon ewe ainangen Manasa, nge ngang ese wor manei lon ai famili.”

Mürin, nöün ewe Samol mi Lapalap chon läng a feito Ofra o mottiu fän ewe irä ook än Joas seni ewe eterekesin Apieser. Nge Kition nöün we mwän a wichiwich umwun wiich lon ewe lenien üchüch wain, pun a aopala seni chon Mitian.

Mürin, Kition a senätä eu rongen asor ngeni ewe Samol mi Lapalap ikenan o aita ngeni: Ewe Samol mi Lapalap i ewe Koten kinamwe. Iwe, tori ikenai ei rongen asor a chüen nom lon Ofra lon fanüen chon ewe eterekesin Apieser.

Nge Kition a üreni, “Are üa küna ümöümöch me reöm, kopwe pwäri ngeniei eu asisil, pwe üpwe silei pwe en ai Samol mi Lapalap ka fos ngeniei.

Ewe Samol mi Lapalap a üreni, “Kinamwe epwe toruk. Kosap niuokus, pun kosap mäla.”

Iwe, ekewe aramasen Israel ra pwal föri mine a ngau me fän mesen ewe Samol mi Lapalap. Iei mine a atolongeer fän nemenien chon Mitian lon ükükün fisu ier.