Iwe, Ngünün Kot ewe Samol mi Lapalap a nonom woi,
pun a awisaei pwe üpwe aronga ngeni chon mwelele pworausen manau.
A tinieito pwe üpwe achipa chon luketatakis,
üpwe asile ngeni chon oola ar repwe ngasala,
pwal ngeni chon fötek pwe epwe suk lenien ar fötek.
A tinieito, pwe üpwe aronga ngeni nöün aramas
pwe ewe ierin än ewe Samol mi Lapalap chen a war,
pwal ewe ränin än Kot apwüngü chon oputer.
Iwe üpwe achipa meinisin mi letipeta lon Sion.
Üpwe ngeni chokewe mi letipeta lon Sion
epa mwärämwär siwilin falangen won mökürer,
pwapwa siwilin kechü, pwal kölün mwareiti siwilin letipeta.
Iwe, repwe wewe ngeni irä ewe Samol mi Lapalap a püsin fotuki,
repwe föri mine a pwüng pwe Kot epwe küna ling ren.