Popular Bible Verses from Aisea 49

Share

Nge ewe Samol mi Lapalap a üreni, “Ifa usun, eman fefin epwe tongeni manlükala nöün mönükol, pwe esap tongeäsini nöün won inisin? Nge are epwe fen manlükala, ngang üsap manlukuk.

Nengeni, üa makei itom lon pei me ruofoch. Om kewe tit, Sion, ra nonom fochofoch fän mesei.

Nge iei mine ewe Samol mi Lapalap a apasa, “Ewer, ekewe chon fötek repwe ngasala seni lepöün eman sounfiu mi pwora, nge eman a tongeni angei seni eman chon mwänewüs mine a liapeni. Pun ngang üpwe fiu ngeni chokewe ra fiu ngonuk, üpwe pwal amanaua noum kana.

Iwe, a apasa, “Kosap nei chök chon angang mi wisen achufengeni chon ekewe ainangen Israel o aliwinato chokewe mi chüen manau me leir. Nge üpwe pwal föri pwe kopwe eu saram fän iten chon ekewe mwü, pwe chon fanüfan meinisin repwe küna manau.”

Oupwe köl fän pwapwa, ämi läng, kopwe mwänek, en fanüfan, oupwe chietä köl, ämi chuk kana. Pun ewe Samol mi Lapalap epwe echipa nöün aramas o tongei nöün kewe mi riaföü.