Popular Bible Verses from Aisea 38

Share

“Kopwe liwiniti Hiskia nei aramas o üreni pwe iei aloi ngang ewe Samol mi Lapalap än an we lewo Tafit we Kot: Üa rong om iotek, üa pwal küna om kechü. Iei üpwe apacha ngeni ränin manauom pwal engol me limu ier.

Iwe, a apasa, “Ai Samol mi Lapalap, üa tüngor ngonuk, kose mochen kopwe chechemeni pwe seni unusen letipei üa angang ngonuk fän allükülük, üa pwal föri mine a pwüng me reöm.” Iwe, Hiskia a fokun kechüangau.

Ellet, ren watten ai riaföü üa küna feiöch, pun lon om chen ka efieitä seni lon ewe pwangen feiengau. Nge ai kewe tipis meinisin ka pöütala lükisökurum.

Iwe, lon ewe fansoun Hiskia a samau o arap ngeni an epwe mäla. Ewe soufos Aisea nöün Amos we a feito ren o üreni, “Iei alon ewe Samol mi Lapalap, ‘Kopwe amola om amürinimä, pun kopwe mäla, nge kosap pöchökülsefäl.’”