Popular Bible Verses from Aisea 30

Share

Iwe, lupwen oua kul ngeni peliifich ika peliimöng, selingemi repwe rongorong me lükün sökürümi, “Iei ewe al oupwe aleni.”

Nge ewe Samol mi Lapalap a witiwiti chök an epwe kirikiröch ngenikemi, a pwal molotä pwe epwe ümöümöch ngenikemi. Pun ewe Samol mi Lapalap eman Kot mi unusen pwüng. Feiöchün chokewe meinisin ra anomu ar apilükülük won.

Iei alon Kot ewe Samol mi Lapalap, Ewe mi Pin lon Israel, “Oupwe küna manau ren ämi liwinsefäl ngeniei me ämi asösö rei, oupwe pwal küna pöchökül ren ämi mosonotam me ämi lükülük. Nge ämi ousap mochen.

Inamwo are ewe Samol a fen ngenikemi ewe mongön riaföü me ewe kolukun letipeta, nge i ämi Soukait esap chüen op senikemi, pwe mesemi repwe küna.

Ewer, ämi aramasen Sion mi imweimw lon Jerusalem, ousap chüen kechü. Kot epwe fokun ümöümöch ngenikemi, lupwen a rong ämi siö. Iwe, lupwen a rongorong, epwe pälüenikemi.

Iwe, ewe Samol mi Lapalap a apasa, “Feiengauen nei kana ra chök pälüeniei. Ra föri mochenin letiper, nge resap föri letipei. Ra pwal pwonfengen me chon ekis, nge resap mwir me woi. Ren ei ra chök alapala ar tipis.