Popular Bible Verses from Aisea 1

Share

Iei alon ewe Samol mi Lapalap, “Ou etto, ousipwe pwüngüpwüngfengen. Oua limengau ren tipis usun eman a limengau ren cha. Nge ngang üpwe limetikemi pwe oupwe limöch usun pwechepwechen sno. Inamwo are oua limengau usun mangaku mi fötöpwül, oupwe fokun limöch.

Are oupwe achocho le aleasochisiei, oupwe mongö seni öchün uän ewe fanü.

Iwe, oupwe kaiö föföröch o kütta pwüngüöch, nge oupwe epeti angangen chon mwänewüs. Oupwe peni chokewe mi mäsen, oupwe pwal alisi ekewe fefin mi mä pwülüer.”

Nge are oua lükümach o ü ngeniei, oupwe mäla lon maun. Ngang ewe Samol mi Lapalap üa kapas.”

Oupwe limetikemi pwe oupwe limöch, oupwe pöütala ämi föföringau seni fän mesei o ükütiu le föri mine a ngau.

Lupwen ämi oua aitietä pöümi le iotek, üsap nenengenikemi. Nge lupwen oua fen kapaspat lon ämi iotek, üsap fokun aüseling, pun oua lepöücha ren ämi niela aramas.

A lomotongau ämi uwato rei ämi kewe asor. Ämi apach mi pwokus a fokun anioput me rei, nge ämi chulapen popun maram me ränin sapat me chulap mi pin üsap efich, pun meinisin ra ingau ren ämi tipis.

Eman kow a silei an samol, nge eman aas a silei ewe sepi an samol a amongöü lon. Nge ar sile a kon lap seni än chon Israel sile, nei aramas kana esap wor ar wewe.”

Üa oput ämi chulapen popun maram me ämi chulap mi kefilitä ren unusen letipei. Ra aweiresiei, üsap chüen mochen ar repwe fis.