Popular Bible Verses from Ipru 9

Share

Iei usun Kraist a fangala püsin inisin pwe eu asor fän eu chök, pwe epwe amorala tipisin chomong aramas. Iwe, lupwen epwe wareto fän aruan, esap chüen föri och fänäsengesin tipis, nge epwe amanaua chokewe mi witiwiti.

Pokiten ei a pwüng, epwe le ifan me ükükün aüchean ewe chaan Kraist. Ren ewe Ngün esemüch a asor ngeni Kot püsin inisin pwe eu asor mi unusöch. Chaan Kraist epwe limeti mwelien letipach seni sokun föför mi lomotongau, pwe sipwe tongeni angang ngeni ewe Kot mi manau.

Aramas meinisin repwe mäla fän eu chök, nge mürin Kot epwe apwüngüür.

Pwüngün lon ewe Allük pwe arapakan mettoch meinisin ra limelim ren cha, pwal ina usun tipis a chök tongeni musala ren pupulan cha.

Iei popun Kraist a wisen chon afförün ewe pwon mi fö, pwe chokewe Kot a köriir repwe angei ewe feiöch esemüch, Kot a fen pwon. Ei a tongeni fis, pun Kraist a mäla pwe epwe angasa aramas seni ar tipis kana ra föri fän ewe aeuin pwon.