Popular Bible Verses from Isikiel 18

Share

Pun üsap pwapwaiti än eman epwe mäla. Iei mine oupwe ekieksefäl, pwe oupwe manau,” iei alon Kot ewe Samol mi Lapalap.

Ewe aramas mi tipis i chök epwe mäla. Nöün eman sam esap angei liwinin än saman tipis, nge ewe sam esap pwal angei liwinin än nöün tipis. Iwe, ewe chon pwüng epwe angei liwinin an pwüng, nge ewe aramasangau epwe angei liwinin an föföringau.”

Oupwe pöütala ämi pupungau meinisin oua föriir. Oupwe angei seniei eu leluk mi fö me eman ngün mi fö. Pwota oua mochen mäla, ämi chon Israel?

Iwe, Kot ewe Samol mi Lapalap a ais, “Ifa usun, üpwe pwapwaiti än ewe aramasangau mäla? Ifa usun, üsap tipeni an epwe ükütiu seni an kewe föför mi ngau pwe epwe manau?

“Nge are eman aramasangau a ükütiu le föri tipis, are a apwönüetä ai kewe allük meinisin o eäni pwüng me wenechar, epwe fokun manau, nge esap mäla.

A apwönüetä ai kewe allük o aleasochisiir fän allükülük. Ei sokun aramas a pwüng, epwe fokun manau,” iei alon Kot ewe Samol mi Lapalap.