Popular Bible Verses from Ekistos 9

Share

Nge üa mwüt ngonuk pwe kopwe manau tori ikenai, pwe üpwe pwäri ngonuk ai manaman, pwe itei epwe föüla won unusen fanüfan.

Mürin, ewe Samol mi Lapalap a üreni Moses, “Kopwe feila ren Farao o kapas ngeni, ‘Iei alon ewe Samol mi Lapalap än chon Ipru we Kot, “Kopwe mwüt ngeni nei aramas pwe repwe feila o fel ngeniei.

Üa fen tongeni aitiela pei o afeiengauok me noum kewe aramas ren mätter, pwe manauemi epwe müchüla me won fanüfan.

Ngang ewe Samol mi Lapalap üpwe afeiengaua noum man mi nom lemäl ren eu mäfeiengau. Üpwe afeiengaua ekewe oris, ekewe aas, ekewe kamel, ekewe kow me ekewe sip. Nge üpwe aimwü lefilen nöün chon Israel man me nöün chon Isip man, pwe esap wor eman me lein nöün chon Israel man epwe mäla.” ’”

lesor lon ei otun üpwe apüngätiu ütten fau mi chou won ei fanü, esap mwo fis ei sokun fän eu lon Isip seni poputän mwün tori ikenai. Iei mine kopwe titila pwe repwe emwenala noum man lon lenien op, pwal meinisin mine a nom lemäl. Pun aramas me man meinisin mi nom lemäl nge resap op, repwe mäla ren ewe ütten fau epwe püngütiu wor.” ’”

nge epwe wiliti pwülümoromor won unusen ewe fanü Isip. Iwe, ewe pwülümoromor epwe afisätä mach mi usun ruup won aramas me man lon unusen ewe fanü Isip.” Iei mine ra tukei falang seni eu lenien um mi watte, ra ütä me fän mesen Farao, nge Moses a moneetä läng. Iwe, a afisätä mach mi usun ruup won aramas me man.