Popular Bible Verses from Ekistos 7

Share

Mürin, ewe Samol mi Lapalap a üreni Moses, “Nengeni, üpwe awisok pwe kopwe usun chök eman kot ngeni Farao, nge Aaron pwiüm we epwe usun chök noum soufos.

Nge ngang üpwe aföreai lelukan. Inamwo ika a chomong ai asisil me ai manaman üa föri lon Isip, Farao esap mochen aüselingakemi. Iei mine üpwe afeiengaua Isip ren apwüng mi lapalap, nge üpwe emwenawu nei aramasen Israel seni Isip lon tettelin en me an cho.

Mürin ekewe chon Isip repwe mefi pwe ngang ewe Samol mi Lapalap, lupwen üpwe aitiela pei won Isip pwe üpwe afeiengaua o emwenawu ekewe aramasen Israel seni me leir.”

Mürin, Farao a titi ekewe soutipachem me soupöüt, pwal ir ekewe sourongen Isip. Iwe, ra föri usun mine Aaron a föri. Iteiten eman me eman leir a monetiu wokun, iwe, ra wiliti serepenit. Nge wokun Aaron we a aromala wokur kewe.

Iei alon ewe Samol mi Lapalap, “Ren ei kopwe silei pwe ngang ewe Samol mi Lapalap: Üpwe wichi kolukun lon ewe chanpupu Nil ren woki mi nom lepei pwe epwe wiliti cha.

“Ika Farao epwe ürenikemi, ‘Oupwe alükülükü wisemi ren ämi oupwe föri manaman,’ en kopwe üreni Aaron, ‘Kopwe angei wokum o monetiu fän mesen Farao pwe epwe wiliti eman serepenit.’” Iei usun Moses me Aaron ra feila ren Farao o föri usun mine ewe Samol mi Lapalap a allük ngeniir. Iwe, Aaron a monetiu wokun we fän mesen Farao me nöün kewe nöüwis, nge a wiliti eman serepenit.