Popular Bible Verses from Än Salomon Afalafal 11

Share

En alüal, kopwe pwapwa le alüalum, letipom epwe meseik lon fansoun om alüal. Kopwe chök föri mine letipom a tipeni o mesom a küna. Nge kopwe chechemeni pwe Kot epwe apwünguk ren om kewe föför meinisin.

Iei mine kopwe atoauala öürek seni letipom, kopwe pwal ti seni inisum mine a ngau. Pun lealüalum me lepöchökülom a pön chök.

Eman mi chök nenengeni asepwäl me kuchu, nge esap angang, esap fis an fofot me kinikin.

Kosap tongeni silei ia asepwäl a enito me ie, kosap pwal tongeni silei usun fisin eman mönükol lon luken eman fefin mi pwopwo. Ina usun kosap tongeni silei än Kot angang, ewe mi föri mettoch meinisin.

Lesosor kopwe amorafeili föün irä, kopwe pwal amorafeili lekuniol. Pun kosap silei meni leir epwe märöch, ika repwe märöch meinisin.

Kopwe inetifeseni woum ngeni chomong, pun kosap silei met sokun feiengau epwe toruk won fanüfan.