Popular Bible Verses from Tuteronomi 6

Share

Kopwe echeni ewe Samol mi Lapalap om Kot ren unusen lelukom, ren unusen ngünum, pwal ren unusen tufichum.

Iwe, kopwe achocho le aiti ngeni noum kewe ekei kapas, kopwe pwal fos usur lupwen kopwe mot lon imwom pwal lupwen kopwe fetal won al, lupwen kopwe konola pwal lupwen kopwe pwätä.

Ekei kapas üa allük ngonuk ikenai repwe nom lon lelukom.

Kopwe aüseling Israel: Ewe Samol mi Lapalap ach Kot i chök ewe Samol mi Lapalap.

Kopwe fötiretä won poum pwe eu pisekin achem, kopwe pwal fötiretä won chamwom.

Iwe, kopwe makeretä won penkasamen imwom pwal won asamalapen om telinimw.”

Oupwe meniniti ewe Samol mi Lapalap ämi we Kot. Oupwe fel ngeni i chök o eäni itan le pwon fän akapel.

“Iwe, ewe Samol mi Lapalap ämi we Kot epwe emwenikemiila lon ewe fanü a fen pwon fän akapel ngeni ämi kewe lewo Apraham, Isaak me Jakop pwe epwe ngenikemi, eu fanü mi wor telinimw watte o mürina, nge sap aüemi, epwe pwal wor imw mi ur ren chomong mettoch mi mürina, nge sap ämi oua amasoueer, epwe pwal wor chönüttu, nge sap tuemi, pwal tanipin wain me iriän olif, nge sap fotukiemi. Iwe, lupwen oupwe mongö o möt, oupwe afälikemi pwe ousap manlükala ewe Samol mi Lapalap mi emwenikemiiwu seni ewe fanü Isip, ewe ia ra nöünikemi amanau ie.

“Iwe, ikkei ekewe allük me pwüüng ewe Samol mi Lapalap ämi we Kot a allük ngeniei, pwe üpwe aiti ngenikemi pwe oupwe apwönüeretä me lon ewe fanü oupwe sailong lon pwe oupwe fanüeni. Iei mine ämi me mwirimwirimi kana oupwe meniniti ewe Samol mi Lapalap ämi we Kot lon ränin manauemi meinisin ren ämi aleasochisi an kewe pwüüng me allük meinisin üa ngenikemi, pwe ränin manauemi repwe chomongola.

Oupwe föri mine a pwüng o mürina me fän mesen ewe Samol mi Lapalap pwe oupwe feiöch. Oupwe pwal tolong o fanüeni ewe fanü mi mürina ewe Samol mi Lapalap a fen pwon fän akapel pwe epwe ngeni ämi kewe lewo.

Are oupwe föri iei usun, ewe Samol mi Lapalap ämi we Kot mi nom lefilemi epwe song ngenikemi o arosakemiila seni won fanüfan, pun ewe Samol mi Lapalap eman Kot mi lukomong.

Ousap fel ngeni pwal ekoch kot, ekewe kot än ekewe aramas mi nom arumi.

Iwe, ousap sotuni ewe Samol mi Lapalap ämi we Kot, usun oua fen sotuni me lon Masa.