Popular Bible Verses from Föför 1

Share

Nge ämi oupwe angei ewe manaman lupwen Ngünmifel epwe feitiu womi, iwe, oupwe pwäriei lon Jerusalem, lon unusen Jutea me Samaria tori lon unusen fanüfan.”

Jesus a pölüeniir, “Esap wisemi pwe oupwe silei fansoun me ränin, pwe wisen chök Semei an epwe akota.

Iwe, lupwen a nonom rer, a allük ngeniir, “Ousap feil seni Jerusalem, nge oupwe witiwiti ewe lifang Semei a fen pwon ngenikemi, usun üa fen ürenikemi. Pun Johannes a papataisi aramas ren koluk, nge mürin ekoch rän ämi oupwe papatais ren Ngünmifel.”

Lon ükükün faik rän mürin an mäla a pwä ngeniir fan chomong lon chomong sokun lapalap mi alletätä ngeniir pwe a wesewesen manau. Ra küna i, nge i a kapas ngeniir usun ewe Mwün Kot.

Iwe, lupwen Jesus a wes le apasatä ekei kapas, a feilunusetä läng lupwen ar nenengeni. Iwe, eu kuchu a amonala seniir.

Nge ra chök nenetä läng lupwen a feil seniir. Iwe, lon ewe chök otun ruoman mwän mi üföüf üf mi pwechepwech ra ütä ünüküür o ra üreniir, “Ämi re Kalilea, pwota oua ü ikei o nenetä chök läng? Ewe Jesus mi feil senikemi o feitä läng epwe liwinsefälito lon ewe chök lapalap oua küna lon lupwen a feitä läng.”