Popular Bible Verses from 2. Timoty 1

Share

Pun ewe Ngünmifel Kot a ngenikich esap afisi ngenikich ach sipwe pireir, nge a ngenikich Ngünün mi aurakich ren pwora, chen me ewe tufichin püsin nemeni inisich.

I a amanauakich o körikich pwe sipwe manaueni eu manau mi pin, sap pokiten ach föför, nge pokiten püsin an ekiek me an ümöümöch. A ngenikich ei ümöümöch lon Kraist Jesus mwen fanüfan esamwo wor

Iei popun üa achema ngonuk, pwe kopwe alapala le aea än Kot we lifang mi nom reöm ren ai iseis pei womw.

Iei mine kosap säwäsini om kopwe pwärätä ach Samol, kosap pwal säwäsiniei, ngang eman chon fötek fän iten Kraist. Nge kopwe etiei le riaföü fän iten ewe Pworausen Manau ren än Kot manaman.

Iei popun üa nom lon ei sokun riaföü, nge üsap säw ren. Pun üa silei iö üa lükü, nge üa alletä pwe a tongeni tümwünü mine a lükü ngeniei tori ewe Ränin lesopolan.