Popular Bible Verses from 1. Tesalonika 4

Share

Mürin kich mi chüen manau ngeni ena fansoun sipwe etekitä o chufengen me ir lon kuchu, pwe sipwe churi ach Samol lon längin asepwäl. Iei usun sipwe nonomfengen me ach Samol fansoun meinisin.

Pun püsin ach Samol epwe feitiu me läng fän mwelian mi leüömong, fän mwelien ewe samolun chon läng, pwal fän puun nöün Kot rappwa. Iwe, chokewe ra fen mäla lon ar lükü Kraist repwe akomwen manausefäl.

Pun iei letipen Kot pwe oupwe pin o unusen ngas seni sokun föförün lisowu. Ämi mwän kana, eman me eman leimi epwe silei usun an nomofengen me pwülüan fän pin me üöch

Sia lükü pwe Jesus a mäla o manausefälitä, iei mine sia pwal lükü pwe Kot epwe aliwinisefäli Jesus me chokewe mi mäla lon ar lükü i.

Oupwe achocho ngeni ämi oupwe manaueni eu manau mi mosonoson, oupwe en me püsin föri an angang o anganga met oupwe manau ren usun aia fen ürenikemi me mwan.

Pun Kot esap körikich pwe sipwe manau lon ei sokun manauen mocheniangau, nge a körikich pwe sipwe manaueni eu manau mi pin.