Popular Bible Verses from 1. King 3

Share

Iei mine kopwe fang ngeniei ngang noum chon angang eu leluk mi mirit, pwe üpwe tongeni nemeni noum aramas fän pwüng o alefila mine a öch me mine a ngau. Ifa usun ai üpwe tongeni nemeni noum ei mwichen aramas mi chowatte?”

iei mine üpwe apwönüetä om tüngor. Üpwe fang ngonuk eu leluk mi mirit o tipachem, pwe esap wor eman mi wewe ngonuk lon kewe fansoun ra la, pwal lon kan fansoun repwe feito.

Iei mine a üreni Salomon, “Pokiten ka tüngor mirit pwe kopwe emweni aramas fän pwüng, nge kosap tüngor fän itom pwe kopwe manauatam ika pisekisek, ika tüngor mälan chon oputom

Üpwe pwal fang ngonuk mine kosap tüngor. Üpwe fang ngonuk pisekisek me iteüöch, pwe esap wor eman king epwe wewe ngonuk lon unusen manauom.

Nge are kopwe aleasochisiei o apwönüetä ai kewe allük me pwüüng usun Tafit semom we a föri, mürin üpwe alangatamala ränin manauom.”

Lon ewe pwin ewe Samol mi Lapalap a pwä ngeni Salomon lon an tan me lon Kipeon o üreni, “Met ka mochen ngang üpwe fang ngonuk.”

Nge iei, ai Kot Samol mi Lapalap, en ka awisaei ngang noum chon angang pwe üpwe siwili Tafit semei we lon wisan wisen king. Nge ngang eman mi chök ier kükün, üsap sile nemenem.

Iwe, ewe Samol mi Lapalap a efich mine Salomon a eäni tüngor.

Salomon a üra, “En ka eäni tong mi lapalap ngeni noum chon angang Tafit semei we, pun i a allükülük o pwüng, a pwal wenechar lelukan ngonuk. Iwe, ka sopwela om tong mi lapalap ngeni ren om fang ngeni eman nöün mwän mi siwili lon wisan wisen king ikenai.

Iwe, ngang noum chon angang, üa nom lein noum aramas ka filiretä, eu mwichen aramas mi chowatte, esap wor eman a tongeni aleaniir ren chomongur.