Popular Bible Verses from OPADAIA 1

Share

“Ahpw ekei pahn pitla pohn Nahna Saion, oh wasao pahn wia wasa sarawi ehu. Aramas en Seikop kan pahn sapwenikihla sahpw me uhdahn arail pwung mi powe.

“Rahno kerendohr, me ngehi, KAUN-O, pahn wia kopwung ong wehi koaros. Edom, dahme ke wiadahr pahn pil wiawihong uhk. Ke pahn pwurehng ale dahme ke kilahr.

Omw aklapalap pitihiukdier. Omw poahsoan kaun iei kelen paipalap ehu; uhdakomw iei pohn nahna ile kan, ke ahpw mengimengloalki, ‘Ihs me kak keseiediong nanpwel?’

Mehnda ma ke wiahda omw wasahn kousoan wasa ile duwehte wasa me pesen ikel kan mie, pwe en mwomwen mi nanpwungen usu kan, ahpw I pahn apihiukedi.