Popular Bible Verses from Marko 12

Share

Nejoki ꞉Yeso, <<Kore naisul naa ana, <Tining'o Isirael! Kore Laitoriani Nkai aang, naa Laitoriani obo. Naa tachama Laitoriani Nkai ino ta ltau lino pooki o to nkichui ino pooki o te ng'eno ino pooki o to ngolon ino pooki.> Kore ne are naa ana, <Tachama le latia ino ana koon.> Meatae nkae nkitanapata naisul kuna.>>

Neipotu ꞉Yeso looiteng'eni lenyena, nejoki, <<Kedede kajoki ntae, kore ana oiliai aitarani, ninye natipika ntoki kitok alang ltung'ana pooki ootipika ropiyiani atua sanduku le nkichoorot. Amu kore kulo pooki naa keitaitua nkichoorot taatua parakuoicho enche. Kake kore ana oiliai aitarani, naa keitayia taatua menai enye ntoki pooki naichiwue ninye.>>

Newuon Yeso eing'urare inie ng'oji neitainyieki nkichoorot, eing'orita ilo turrur neiko tenepik ropiyiani atua sanduku loo nkichoorot e nkaji e Nkai. Kore lparakuo kumo, nepik ropiyiani kumo inie. Nelotu nkoiliai nabo aitarani, neitai sintii oare laa keikini oleng ntoki nanya.

Naa kore tinicham Ninye ta ltau pooki o te ng'eno pooki o to ngolon pooki o sii, tinicham latia ana nicham koon, naa inia naata tipat alang suom pooki naapejori o lkulie asarri pooki likintaki Nkai.>>

Nejoki ꞉Yeso ninche, <<Enchoo naa Kaisari nenia naara ne Kaisari, ninchocho Nkai nenia naara ne Nkai.>> Neing'asia ninche oleng tankaraki ninye.