Popular Bible Verses from Yakobo 3

Share

Kake kore inia ng'eno naing'uaa chumata, kore nekue naa keisinyati, neyau sii seriani o ng'iriata nening'icho, neata lng'er neiu lng'anayio supati, nemeata ngela nemeitaakino.

Kalo tung'ani taa ntae oara ng'en neata yielounoto? Nchoo eitodolu te lwuenet lenye supat asat enyena naas to mborron naing'uaa ng'eno nagut.

Naa kore lantarara le sipata, naa keuni te seriani taatua lolo oaacham seriani.

Amu kore neti lom torno nenya ltung'ana ne maate, naa ketii ng'olng'ol o mbaa pooki torrok.

Kore te ilo ng'ejep, ikisis Laitoriani oara Papa lang, nikidekie aitoki ltung'ana ooitibira ꞉Nkai te nkitanyanyukoto enye. Kore mayian o ldeket naa nkutuk nabo ake eing'uaa. Lalachera o nkanachera ainien, Meyiere payie eaku inji.

Kore sii lng'ejep, naa inji etuwuana nkima. Kera rubata taatua rubat e sesen, naimu ntokitin torrok, neidim aitarruoi sesen pooki lo ltung'ani, neteoki nkichui enye pooki nkoitiei nalo nkima, neitami sii ninye nkima to lmoti le nkima.

Kake meatae ltung'ani oidim aitoria lng'ejep. Kera ninye ntoki torno nemeibooroi, nabore sayiet nayecho.

Lalachera o nkanachera ainien, emincho lkumo linchi eaku laiteng'enak te nkanisa, amu iyielolo aajo kore iyioo ooiteng'enicho naa kedung'okini nkiguana nagol oleng.