Popular Bible Verses from Asat 4

Share

<<Meatae hoo njeunoto te likae mara ake te ninye. Nemeatae ajo mara inia arna ake apeny naichoo ꞉Nkai ltung'ana to nkop pooki, eitejeunyieki iyioo.>>

Kore payie eidip aatoomon neikirikiro inie netumore ninche, neiput ninche ꞉Ltau Sinyati nelikoo rerei le Nkai meata ngureticho.

Kore naa taata Laitoriani, ng'ura ja neiko teneicho iyioo lomon oome, nincho laisiaayiak linono nkidimata nalikorie rerei lino te mpijan.

Naa ninye soit litanya ntae lachetak, kake ketaa ninye soit le tipat oirichiu nkaji.

Kore payie edol ꞉ninche aajo meata Petero o Yoana ngureticho, neteyielouto aajo meata nkisoma naa lpayiani le nkang ake era, neing'asia. Kake neyielou naa aajo, keboitiere apa ꞉ninche Yeso.

Kore lolo pooki ooiruko Yeso, neaku nabo taa ltauja o taa mparrunot. Nemeatae hoo ltung'ani oiken ntokitin naata ajo nenyena aapeny, kake ketang'ara ntokitin enche pooki tenebo.