Popular Bible Verses from 2 Ltesalonike 2

Share

Emincho metaa keatae ntoki nasapie ntae ltung'ani, amu melotu inia parri ewuon eitu ebau ang'as nkata e nkibooroto kitok ee mbaa e Nkai, neibalunyieki ilo aitarruoni oikenakaki mutai.

Kake keyiere nikirrinyoki iyioo Nkai nache nkata pooki tankaraki ntae lalachera oaacham ꞉Laitoriani, amu ketegelua ntae Nkai ta ng'asunoto payie ijeuu aaku sinyat ta Ltau Sinyati o tinirukuruk ndedei.

Kore ilo mang'antita naa keiliepie koon aiterepaa ntokitin pooki naaipoti aajo nkaitok o pooki toki nasaii, payie ewuon ninye to lorika ta nkaji e Nkai elikoo ajo kera Nkai.

Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani, naa meitogolo ltauja linchi, neitacheyie ntae taatua asat o rerei pooki supat.

Kore tankaraki inia, naa keicho ꞉Nkai ninche metung'ai nkoitiei e ndedei, payie etum aairuko sapare.

Kore ilo aitarruoni naa kelotu to ngolon e Chitani, neas mbaa kutuaa o asat naitodolu nkitoo o mbaa e nking'asia e sapare o sapare pooki e ntorroni too lolo ooidaari te nkiminata, amu ketanya echamaa ndedei payie eitejeuni.

Amu kore inia golon naisudoro e ntoki pooki nemeichiaakino naa keasicho taata, kake kore ilo oibooyo inia, naa keiboorita ana metabaki nkata naiwuang'ieki.