Popular Bible Verses from Rooma 12

Share

Aɗoŋ jobokka ɗa nuntico giimi ku dunuune teete. Duwnee oko Mellayi ga magittoŋ ma botol ka mooyitoŋ ta marawta. Goŋŋakite, ku gederra passilti oko maa ga Mella aŋka: ka samaane o ma daanee o ma lekka ɗa koyyo.

Seneeta, mileŋ ga Mella kawiyne, na enewwitoŋ ku maa ku birɗiy saa ɗamal zeneetoŋ aleŋ saɗikane ma geewa, o ma duwenta oko Mellayi ka, o gi daanee ta kaw. Teete pa ay gita ma ay aabido ta tirta teete.

Nuntoŋ parhaŋgee mileŋ ku ocokkiya ka samaane min oko Mellayi. Nuntoŋ baatiynigee aacco diigaŋgeyyo. Ziiɗoŋ inniti Mellayi bala warro.

Aɗee duwa ɗa oko kee ka miɗɗa ga icciyyamca, innasoopa ki gederree ma liyaw ta samaane.

Ƴekekkoŋ beenannitoŋ ma galbane kaƴi ka aleŋ seneeta, o ku dekerroŋ ku karmayɗo beenannitoŋ.

Aɗoŋ ƴekekka ɗa giimi ma beneetoŋ ka, ƴekekkoŋgu ta tirta teete! Ɗakittoŋga ta kaw ka miɗɗa, kuu bammiɗo ka samaane.

Gaa lekka aɗe botol oko kuŋ, ku dekerroŋ ku nuntiɗo ma daana ma giimi paracco.

Seneetaw ku ƴekkenta aɗoŋ esaa ɗa guu giimi leewatoŋ miɗɗa, innasoo ku duwnee oko bogorti Mellayi ga leeɗiya kanti. Aattí Kitamniti ga Mella Miltine beneyye gaa: «Ay naa ma esaa o ga ay naata ma bereega oko kulla kaƴi aɗe maatiki ma ay kanti»

Aɗoŋ dee ɗa aayumnigee, innasoo ku dekerroŋ lubbi. Lubbine oko Miltine ma galbigeetoŋ paracco.

Mella gaarawga gidaanuwti na deeɗe n̰amaakati Iisa Masi. Ma keeke pa, na beneyya oko kulla kaƴi aɗe min aattoŋ naa: Addo lee ɗa kii ki kaali ƴiila min oko nunticum taata, innasoo ki ibinu samaane baŋ ki ay we, aleŋ tamanne ta amanniti maa ga Mella berewwiyam.

Gaa gimu leyyam gaari ku miɗɗa, ki aɗeegu yooka ɗa ma ka miɗɗa. Diyyoŋ liyaw ta samaane unco giimi paracco.

Gi mooyitoŋ dee kaƴi ka ku maa ku nuntiɗo daana beenannitoŋ. Ga kulla kaƴi aɗe addo diyya ɗa ga ƴiiliyya giiti, innasoopa ku timmoŋ ma giimi ma cepelliy ɗa kayyeeco. Aɗoŋ gaara ɗa pe aleŋ kuu ku ibina gaari.

o ga beneyye kulla gaa: «Gaa gimu ma aŋkum ɗa mayaata, ki biree tiyaw ga teeɗo, gaa ibinta, ki biree ammi ga aar̰iɗo. Kii leyya keeke, ay aleŋ kuu ki kalliyee obila ku gazanta kayaati.»

Enewwaniyo barkanti Mellayi oko giimi ma deegeyyatoŋ. Enewwaniyooga Mella ga baarikiɗiy, ga alɗiy boola ɗa. Parhinoŋ ma giimi ma parhanne, o ku ercoŋ ma giimi ma erecca.

Oko gimtee Mellayi ma aŋka gaayo pa, ku gayawwoŋgu, o ma aŋka joobo ku jobowwoŋgu samaane.

A gata pa ziiti gimi kaƴi ka, innasoopa ga lekka pe nussaŋgee maani, o ga kulla kaƴi aɗe lekka lubbiti. A keeta pa kulla, ay tirta appe ke maani, gaa parattine soopa ke alɗo pe zii kaƴi ka ma kappitine ma Masi, o ga parattine ke kappenta, kulla kee aɗe ma giiti aleŋ tee ta nussaŋgee koo ku zii ma kappenta ma gicco.