Popular Bible Verses from 1ይ ዜና 16

Share

ንእግዚኣብሄር ድለይዎ ኽትፀንዑውን ኢኹም፤ ኵልሻዕ ገፁ ድለዩ።

እግዚኣብሄር ሰናይ እዩ፤ ምሕረቱ ኸዓ ንዘለኣለም እዩ እሞ፥ ኣመስግንዎ።

ንእግዚኣብሄር ኣመስግንዎ፥ ስሙውን ፀውዑ፤ ግብርታቱ ኣብ ማእኸል ህዝብታት ንገሩ።

ብቅዱስ ስሙ ኽበሩ፤ ልቢ እቶም ንእግዚኣብሄር ዝደልዩ ይተሓጐስ።

ኣቱም ንእኡ ዝተሓረኹም ዘርኢ እስራኤል ባሮቱ፥ ንእኡ ዝተሓረኹም ደቂ ያእቆብ፥ ነቲ ዝገበሮ ዘደንቕ ስራሑን፥ ተኣምራቱን፥ ዝሃቦ ፍርድታቱን ዘክሩ።

ተቐነዩሉ፥ ምስጋና ዘምሩሉ፤ ብዛዕባ ዅሉ ተኣምራቱ ንገሩ።

እግዚኣብሄር ዓብዪ፥ ምስጋናኡውን ብዙሕ እዩሞ፥ ልዕሊ ዅሎም ኣማልኽቲ ዝፍራሕ እዩ።

ንስሙ ዝግባእ ክብሪ ሃብዎ፤ መባእ ሒዝኩም ኣብ ቅድሚኡ እተዉ፤ ንእግዚኣብሄር ኣብ ቅዱስ መቕደሱ ስገዱሉ።

ግርማን ክብርን ኣብ ዙርያኡ፥ ስልጣንን ሓጐስን ኣብ መቕደሱ ኣሎ።

ህዝቢ ዓለም ኵልኻትኩም ንእግዚኣብሄር ዘምሩ፤ መዓልቲ መዓልቲ ምድሓኑ ኣብስሩ።

ንዅለን ሃገራት ክብሩ፥ ኣብ ኵሎም ህዝብታትውን ተኣምራቱ ንገሩ።

ንቕቡኣተይ ኣይትንክእዎም፤ ኣብ ነቢያተይ ከዓ ኽፉእ ኣይትግበሩ።

ኣህዛብ ዝሰግዱሎም ኵሎም ኣማልኽቲ፥ ጣዖታት እዮም፤ እግዚኣብሄር ግና ንሰማያት ፈጠረ።

ኪዳኑውን ንውሉድ ወለዶ እዩ፤ ነቲ ንዘለኣለም ዝኣዘዞ ቓል፥

ሰማያት ደስ ይበሎም፤ ምድሪ ኸዓ ትተሓጐስ፤ ኣብ ኣህዛብ ድማ፥ እግዚኣብሄር ነጊሱ ኣሎ ይበሉ።

ካብ ዘለኣለም ክሳዕ ዘለኣለም፥ ኣምላኽ እስራኤል እግዚኣብሄር ይባረኽ፤ ኵሎም ህዝቢ “ኣሜን ይበሉ፤ ንእግዚኣብሄርውን የመስግኑ።”

ህዝቢ ዓለም ኵልኻትኩም ንእግዚኣብሄር ሃቡ፤ ክብርን ስልጣንንውን ንእግዚኣብሄር ሃብዎ።