Popular Bible Verses from 1 Abhakörintö 12

Share

Umwika Ömöhörëëru nkohonyorra arë kera ömöntö, okore abhantö bhonswe igho bhanyoore ehoorohooro.

Mbe, bhëënyu bhonswe igho nö-möbhërë ughwa Kiristo mörë. Kera ömwë uwëënyu, nu-mwaho ughwa kö-möbhërë kuyö.

Hano umwaho öghömwë ghwanyahaareka, imyaho ghyonswe igho nkunyahaareka ghërë hamwë nagho. Na hano umwaho öghömwë ghwatöönibhwa, ömöbhërë ghwonswe igho nkushomerwa ghörë.

Umwika Ömöhörëëru nkohaana arë ömöntö engʼana iya obhongʼaini, uwöndë amohaana engʼana iya obhomanyi ubhwa amangʼana. Umwika Ömöhörëëru uyöuyö, nkohaana arë uwöndë ituho iya okobha na umukumo ghono ghonaghirë, kasi uwöndë amohaana ituho iya ukuhwënia abharööyë. Nkohaana arë uwöndë obhotoro ubhwa okokora amakono, na uwöndë öbhörööti ubhwa amangʼana ghano ghakurwa ku-Waryobha. Uwöndë obhomanyi ubhwa amangʼana igha, ghano nku-Mwika Ömöhörëëru gharuurë, handë igha nku-risambwa gharuurë. Uwöndë amohaana ituho iya okoghamba ebheghambo ebhehya. Uwöndë amohaana ituho iya okosesora ebheghambo bhiyö.

Umwika Ömöhörëëru uyöuyö, we akokora emeremo ghiyö ghyonswe igho. Nkohaana arë kera ömöntö ituho bhono akutuna.

okore ömöbhërë ghotakaahokana, kasi ni-igha, imyaho ghyonswe igho ghetorraninga.

Imituho ighya Umwika Ömöhörëëru n-gya seteemo sinsharu, kasi umutwëni uwa imituho ghiyö, nu-Mwika Ömöhörëëru uyöuyö. Seeho seteemo sinsharu isya okokora emeremo, kasi Omonene ono tokokorra emeremo, nu-yöuyö. Kora emeremo ghyonswe ngeeho ighya seteemo nsharu, kasi Waryobha nö-ömwë uyöuyö, we akokora emeremo ghyonswe igho mo-bhantö bhonswe igho.

Abhatomwa mbo Waryobha yaatoora mo-kanisa abha mbere, abha kabhërë abharööti, abha katatö abhëëghya. Ghwiki yaatoora-mo bhano bhakokora amakono, na abha ituho iya ukuhwënia abharööyë, na abha ökötöörrya abhandë, na bhano bhakotangata bharikyabho, na abha ituho iya okoghamba ebheghambo ebhehya.

Ömöbhërë teghoona umwaho ghömwë ughwene igho hë, kasi imyaho ighya-ko m-myaru.

Kasi ekenene ni-igha, imyaho gheno ghekomaahekana igha m-metaaniinu kö-möbhërë, ghiyö ngyo ghikutunwa bhököngʼu.

Hano ömöbhërë ghwonswe igho ghokaabhaayë iriiso, iyakë ömöntö akaaighuurë amangʼana? Handë igha ömöbhërë ghwonswe igho ghokaabhaayë ökötwë, iyakë ömöntö akaaighuurë ubhunyunku? Kasi bhoono Waryobha yaasëëmya bhuuya imyaho ighya ömöbhërë, kera umwaho yaghösëëmya kya bhono umwene yaatunanga. Singa ömöbhërë ghwonswe igho m-mwaho ghömwë, teghokaabhaayë ömöbhërë hë.