Popular Bible Verses from Rom 8

Share

Nitumanya ngu abakunda Ruhanga, kandi abeetwa nk'oku enaama ye eri, byona ebibahikaho bikwatanisa kubarugiramu ebirungi.

Manya nimpamiza kimwe ku hatariho kintu kyona: yaaba rufu, yaaba magara, yaaba baamaraika, yaaba bategyeki, yaaba ebiriho, yaaba ebiribaho, yaaba b'obushoboorozi, nobu byakuba eby'omu iguru nari eby'okuzimu, nainga ekintu kyona ekyahangirwe, ekiribaasa kututaanisa na rukundo ya Ruhanga, eri omuri Kristo Yesu Mukama waitu.

Kandi na Mutima nikwo atuhwera atyo omu bweremwa bwaitu, ahabw'okuba titumanya kushaba nk'oku kitushemereire. Mutima ogwo wenka niwe atutonganira ahari Ruhanga n'okutsinda okwine eigamba.

Mbwenu shi ebyo tubigambeho ki? Ruhanga ku araabe ari aha rubaju rwaitu, n'oha oriturwanisa akatubaasa

Mbwenu hati abari omuri Kristo Yesu tibaakiine rubanja.

Okutegyekwa ebi omubiri gutwenza kurugwamu okufa; kandi okutegyekwa ebi Mutima ayenda kureeta amagara n'obusingye.

Kwonka omuri ebyo byona tusingwire okutakareebwaga ahabw'Ogwo owaatukunzire.

Ninteekateeka ngu okubonabona okw'omu biro ebi, tikurikwinganisibwa n'ekitiinwa ekiritushuuruurirwa.

Mbwenu nu, n'oha oritutaanisa na rukundo ya Kristo? N'omunyangararo, n'enaku, n'okuhiiganisibwa, n'enjara, n'okujwara busha, n'akabi, nainga shi rurara?

Kandi Ruhanga ogwo ocaaka emitima y'abantu, amanya eki Mutima arikwenda; ahabw'okuba Mutima atonganirira abarikwera ahari Ruhanga, kandi nk'oku Ruhanga akunda.

Manya boona abahaburwa Mutima wa Ruhanga nibo baana ba Ruhanga.

Manya abakuratira ebi omubiri gubenza, bategyekwa omubiri gwabo. Kwonka aboorobera ebi Mutima arikubagambira, bategyekwa ebya Mutima.

Ogwo otarasaasiire Mwana we buzima, kureka akamuhayo ahabwaitu twena, aryazibirwa ki kutuha ebintu byona hamwe nawe?

Mutima wenka niwe ahamya hamwe n'omutima gwaitu, ku turi abaana ba Ruhanga. Ku turaabe turi abaana, biri turi abahunguzi ba Ruhanga, kandi ab'okuhungura hamwe na Kristo, twaba nitubonabona hamwe nawe, ngu tubone kuheebwa ekitiinwa hamwe nawe.

Manya okukuratira ebi omubiri gwenda, kureetera omuntu kuba omuzigu wa Ruhanga, ahabw'okuba tayorobera iteeka rya Ruhanga, kandi kwo buzima tikirikubaasika

Ahabw'okuba ebihangwa byona bituura bitegyereize Ruhanga n'ekihika, kumurika abaana be.

Nitumanya ngu n'okuhitsya hati ebihangwa byona bituura nibitsinda, kandi nibishaasha kumwe nk'ebirikurumwa kuzaara.