Popular Bible Verses from Rom 6

Share

Manya ebihembo by'ekibi n'okufa; kwonka ekiconco ki Ruhanga aheera busha, n'amagara agatahwaho omuri Kristo Yesu Mukama waitu.

Manya ekibi tikiribategyeka, ahabw'okuba timurikutegyekwa iteeka, kureka embabazi za Ruhanga.

Manya ku twabatiziibwe, twaziikwa hamwe nawe, twafa, ngu nk'oku Kristo yaazoirwe omu bafiire obushoboorozi bw'ekitiinwa kya Ishe, naitwe tubone tutyo kugyendera omu magara masya.

Murekye kurekurira engingo zaanyu ekibi kuba ebikwato by'okukoresa ebitahikire, kureka mwerekurire Ruhanga nk'abahuriire, abarugire omu bafiire, kandi engingo zaanyu muziheyo ahari Ruhanga kuba ebikwato by'okukoresa eby'okuhikiirira.

Nitumanya ngu omuntu waitu owa ira akabambwa aha musharaba hamwe nawe, ngu omubiri ogukora ekibi guhwerekyerezibwe, turekye kugaruka kuba abahuuku b'ekibi obundi.

Naimwe nikwo mushemereire kwebara nk'abafiire aha kibi, kandi abahuriire ahari Ruhanga omuri Kristo Yesu.

Mbwenu tugambe ki? Turi ab'okuguma omu kibi, ngu embabazi za Ruhanga zibone kukanya? Nikikabure! Itwe abaafiire aha kibi, nitubaasa tuta kukigumamu?

Timurikumanya ngu ogwo ou mweha nk'abahuuku kuhurira, muba muri abahuuku b'ogwo ou muhurira, yaaba b'ekibi ekitwara omu kufa, yaaba b'okuhurira okutwara omu kuhikiirira?

Kwonka Ruhanga naakasingye, kureeba imwe abaabaire bari abahuuku b'ekibi, mbwenu mubaire abarikworobera enyegyesa ei mwahairwe, mwihire aha mutima; kandi ku mwaihirwe omu kibi, mwahinduka abahuuku b'okuhikiirira.