Popular Bible Verses from Rom 14

Share

Manya obukama bwa Ruhanga tibuba byokurya na byokunywa, kureka buba okuhikiirira n'obusingye n'okushemererwa, ebiruga omuri Mutima Orikwera. Oheereza atyo Kristo, niwe agwisa gye Ruhanga akasiimwa n'abantu.

Ku tubaho, tubaho ahabwa Mukama, kandi ku tufa, tufa ahabwa Mukama. N'ahabw'ekyo yaaba tubaho, yaaba tufa, turi aba Mukama.

N'ahabw'ekyo ka tugire emitwarize erikureeta obusingye kandi twombekane.

Mbwenu nu ka turekye kugaruka kucwererana emanja, kureka nangwa tumaramaze okutataho ekirikuteeza mwene waitu entsibo, nari ekirikumugwisa.

Ahabw'okuba kikahandiikwa kiti: Mukama naagira ati: Nk'oku ndi Nyakubaho, buri muntu aryantsimbira amaju, na ibara muntu aryaimutsya eiraka ahimbise Ruhanga N'ahabw'ekyo omuntu weena omuriitwe aryayetonganira ahari Ruhanga.

Otaine maani mu kwikiriza, mumwakiire, mutarikumuteeza mpaka omu bi arikuteekateeka.

Mbwenu iwe, niiwe oha orikucwera omuheereza w'ondi orubanja? Eky'okwemerera kwe nari okugwa kwe kiri ahari Mukama we; kandi aryayemerera ahabw'okuba Mukama we niwe arikubaasa kumwemerezaho.